اسلام آباد ۔ 11 نومبر (اے پی پی)وزیر اعظم عمران خان آکھیا جو حکومت دی کوششاں نال معاشی صورتحال مستحکم تھئی اے اتے کاروباری برادری دا اعتماد بحال تھیے،ایں ویلھے حکومت دی توجہ عام بندے کوں ہر ممکن ریلیف ڈیونڑ تے اے،معاشی استحکام کوں بیا مستحکم کرنڑ اتے سرمایہ کاراں اتے کاروباری برادری کوں سوکھ ڈیونڑ حکومت دی ترجیح اے،تیل،گیس اتے معدنیات دے شعبے اچ صوبیاں دی استعدادکار ودھاونڑ بارے وفاقی حکومت پورا تعاون کریسی۔اے گالھیں انہاں سنوار کوں حکومت دی معاشی ٹیم نال اجلاس اچ گالھ مہاڑکریندیں ہوئیں آکھی۔اجلاس اچ وفاقی وزیرِ اقتصادی امور حماد اظہر، وزیرِ منصوبہ بندی، ترقی و اصلاحات و شماریات مخدوم خسرو بختیار، مشیر خزانہ ڈاکٹر حفیظ شیخ، مشیرتجارت عبدالرزاق داو ¿د، معاون خصوصی برائے اطلاعات تے نشریات ڈاکٹر فردوس عاشق اعوان، معاون خصوصی ڈاکٹر ثانیہ نشتر، معاون خصوصی یوسف بیگ مرزا، معاون خصوصی ندیم بابر، چیئرمین سرمایہ کاری بورڈ سید زبیر گیلانی، سابق وزیرِ خزانہ شوکت ترین، متعلقہ محکمیاں دے وفاقی سیکرٹریز، چیئرمین ایف بی آر شبر زیدی، چیئرمین نیا پاکستان ہاو ¿سنگ اتھارٹی لیفٹینٹ جنرل (ر) انور علی حیدرتے بے سینئر افسر شریک ہن۔ وزیراعظم آکھیا جو معاشی استحکام کوں بیا مستحکم کرنڑ اتے کاروباری برادری کوں سوکھ ڈیونڑ حکومت دی ترجیح اے۔وزیراعظم کوں ڈسایا گیا جو ایں ویلھے ملک اچ چینی دے ذخائر اتے دستیابی دی صورتحال اطمینان بخش اے۔ مشیر تجارت عبدالرزاق داو ¿د ’ پاکستان اسٹیل ملزدی بحالی سانگے کیتی ونجنڑ آلی کوششاں تے بریفنگ ڈتی۔مشیر خزانہ ڈاکٹر عبدالحفیظ شیخ ’ وزیرِ اعظم کوں معیشت دی اجوکی صورتحال اتے اقتصادی اعشاریاں اچ تھیونڑ آلی بہتری بارے بریفنگ ڈتی۔
