اسلام آباد۔9مئی(اے پی پی):وفاقی وزیر اطلاعات و نشریات عطاءاللہ تارڑ آکھیے 9 مئی تاریخ دا سیاہ ترین ݙینھ ، سیاسی اتے ذاتی مفادات دی خاطر 9 مئی کوں او حرکت کیتی ڳئی جیڑھی کݙاہیں دشمن وی نی کیتی۔ میڈیا نال ڳالھ مہاڑ کریندے ہوئیں وفاقی وزیر اطلاعات آکھیے سانحہ 9 مئی دے دلخراش واقعہ دی مذمت کیتے خصوصی اجلاس سݙیا ڳئے ۔ اجلاس اچ پیپلز پارٹی، آئی پی پی، نیشنل پارٹی کوں وی خصوصی طور تے سݙیا ڳئے ۔ ساریاں اتحادی جماعتاں دی نمائندگی ہوسی۔ انہاں آکھیے خصوصی اجلاس اچ 9 مئی دے حوالے نال قرارداد پیش کیتی ویسی ، وزارت قانون دی طرفوں وائٹ پیپر وی پیش کیتا ویسی ۔ ھک سوال دے ج??اب اچ وفاقی وزیر اطلاعات آکھیے بانی پی ٹی آئی نال ٻہوں رعایت ورتی ڳئی اے ۔ انہاں دے بھنڑیجے تے عظمیٰ خان، علیمہ خان اتے نورین خان وی 9 مئی دے سانحہ اچ ملوث ہن، انہاں کوں کیوں رعایت ݙتی ڳئی ۔ انہاں آکھیے میݙا سوال اے 9 مئی دے کیسز دا فیصلہ کیوں نی کیتا ویندا پیا کیوں ایں کیس کوں توڑ نی پڄایا ویندا پیا ۔
.jpg)
