اسلام آباد۔5جون(اے پی پی):وزیراعظم محمد شہباز شریف آکھیے عمران نیازی بین الاقوامی میڈیا دے نال انٹرویوز اچ کھلے عام غلط بیانی کریندا پئے ، 9 مئی دے واقعات توں بعد ملک اچ انسانی حقوق دی خلاف ورزیاں دے حوالے نال ایندا بیان گمراہ کن اے، ایندا مقصد پاکستان تے دٻائو پاوݨاں اے، دنیا دا کوئی وی ملک اپݨی سالمیت کوں تباہ کرݨ دی ایجھی کوشش کوں برداشت نہ کریسی ، ایں ڳالھ کوں یقینی بݨایا ویسی جو حقوق دی خلاف ورزی نہ ہووے۔ آپݨے ھک ٹویٹ اچ وزیراعظم آکھیے بین الاقوامی ذرائع ابلاغ دے نال آپݨے انٹرویوز اچ عمران نیازی نقلی خبراں اتےغلط معلومات دے ذریعے کھلے عام غلط بیانی کریندا پئے ، 9 مئی دے واقعات توں بعد انسانی حقوق دی خلاف ورزیاں اتے سیاسی احتجاج دے حق کوں سلب کرݨ دے حوالے نال ایندا بیان گمراہ کن اے جیں دا مقصدملک توں ٻاہررائے عامہ گمراہ کرم تے ملک تے دٻاؤ پاوݨ اے ۔وزیراعظم آکھیے او سیاق وسباق کوں درست طور تے پیش کرݨ چاہندن ، عمران نیازی دی پارٹی 9مئی کوں جیڑھا کجھ کیتے او ریاست پاکستان تے ھک کھلا حملہ ہئی جیں دے مذموم ارادے اتے مقاصد ہن، دنیا دا کوئی وی ملک اپݨی سالمیت کوں تباہ کرݨ دی ایجھی کوشش کوں برداشت نہ کریسی ۔ وزیراعظم آکھیے او ساریں کوں یقین ݙویندن جو مجرماں نال قانون دے تحت نبݨیا ویسی تے میں ایں ڳالھ کوں یقینی بݨیساں جو حقوق دی خلاف ورزی نہ تھیوے ،ہر کیس کوں قانون دے تحت مناسب طریقے نال نبݨیا ویسی ۔ انہاں آکھیے پاکستان انسانی حقوق متعلق اپݨی سارے آئینی اتے بین الاقوامی ذمہ واریاں دا مکمل احترام کریندے تے انہاں دی ادائیگی دا پابند اے۔
