xاسلام آباد۔1اکتوبر(اے پی پی)صدر مملکت ڈاکٹر عارف علوی انفارمیشن ٹیکنالوجی تون فیدہ چاوݨ تےز ور ݙیندے آکھیے جو آوݨ آلا دور ٹیکنالوجی دا اے جیندے کیتے پاکستان ٹیکنالوجی اپݨیاں صلاحیتاں ݙکھاوݨ کوں تیار اے، حکومت سلیکون ویلی اتے ایمزون دے ماہرین دیاں ݙسیاں ڳیاں رکاوٹاں ہٹا ݙتن جیندے چنڳے اثرات نکلسن۔ او تباد لیب دے پالیسی ورکنگ پیپرز دی تقریب نال خطاب کریندے پئے ہن جیندے اچ تکنیکی شعبہ اچ پاکستان دی ترقی اچ رکاوٹ ݙیوݨ آلے مسائل ݙسائے ڳین اتے اڳو تے چنڳے اقدامات دی تجاویز ݙتیاں ڳین۔ صدر آکھیا جو ملکی ترقی کیتے وسائل ضروری ہوندن، ٻالآں دی تعلیم دے نال نال انہاں دی تربیت تے وی ودھ توجہ دی لوڑھ اے، مصنوعی ذہانت اتے کلائوڈ کمپیوٹنگ سودھا ٻئی انفارمیشن ٹیکنالوجی معلومات دا خزانہ اے، پاکستان اچ تیکھے جدید ٹیکنالوجی دا استعمال تھیوݨا چاہیدے جو ملک اڳو تے ودھے۔
