اسلام آباد۔6ستمبر(اے پی پی) پاکستان اتے اٹلی پارلیمانی روابط، آپسی تعلقات اتے تعاون ٻیا ودھاوݨ تے اتفاق کیتے۔ اے اتفاق اسلام آباد اچ وزیر خارجہ شاہ محمود قریشی اتے انہاں دے اطالوی ہم منصب لیوگی دے مایو ملݨ ویلھے کیتے۔ ݙوہاں ملکاں وچال وفود دی سطح تے مذاکرات وزارتِ خارجہ اچ تھین۔ وزیر خارجہشاہ مھمود قریشی اٹلی نال تعلقات دی اہمیت تے زور ݙیندے اہم علاقائی و عالمی امور تے اٹلی دا شکریہ ادا کیتے۔ انہاں جی ایس پی پلس اسٹیٹس اتے فیٹف کیتے پاکستان دی حمایت تے اطمینان کیتے۔ انہاں افغانستان دی صورتحال تے پاکستان دا موقف ݙسایا اتے افغانستان اچ امن و استحکام، انسانی بنیاداں تے امداد اتے مہاجرین دے مسلے توں بچݨ کیتے رابطہ کاری ودھوݨ تے زور ݙتے۔ وزیر خارجہ اٹلی دی جی 20 دی صدارت سنبھالݨ تے مبارک ݙیندے آکھیے جو افغانستان تے کانفرنس تھیوݨ حوصلہ افزا اے، ایندے نال افغانستان سودھا پورے خطے اچ استحکام اتے دیرپا امن اچ مدد ملسی، افغانستان دی اڄوکی صورتحال پاروں وݙی لوڑھ اے جو عالمی برادری افغاناں نال یکجہتی ݙکھاوے، افغانستان اچ امن دی بحالی اتے مالی امداد کتیے ہتھ ونݙاوے، ایں سانڳے امن مخالف عناصر تے وی اکھ رکھݨی ہوسی۔
