ڪراچي – 21 فيبروري (اي پي پي) صدر ڊاڪٽر عارف ع??وي گرين لائين بس ۾ مسافرن سان گڏ نمائش چورنگي کان ??رو مندر تائين سفر ڪيو ۽ بس ريپڊ ٽرانزٽ (بي آر ٽي) سروس تي اطمينان جو اظهار ڪيو. گرين لائين بس تي پنهنجي پهرين سفر دوران آفيش?? ميڊيا سان ڳالهائيندي صدر چيو ته بي آر ٽي گرين لائين بس منصوبو ڪراچي جي ماڻهن جي سهولت لاءِ شروع ڪيو ويو آهي. هن چيو ته اها سروس ماڻهن کي آرامده سفر فراهم ڪندي. هن چيو ته گرين لائين بس سروس جي ڪري ڪلاڪن جي ڊگهي سفر جو وقت هاڻي گهٽ ٿي ويو آهي. ان موقعي تي صدر عورت مسافرن کان بي آر ٽي گرين لائين بس منصوبي بابت انهن جا خيال پڻ پڇيا. صدر کي جواب ڏيندي مسافرن چيو ته اهي هن سروس مان مطمئن آهن ڇو ته انهن کي آرامده سواري ملي رهي آهي. هنن صدر کي ٻڌايو ته اهي روزانو بي آر ٽي ۾ سفر ڪن ٿيون ۽ انهن وٽ بي آر ٽي گرين لائين ٽرانسپورٽيشن ڪارڊ پڻ آهي. عورت مسافرن بس سروس تي صدر جا ٿورا مڃيا. ان کان اڳ نمائش چورنگي جي بس اسٽيشن پهچڻ کانپوءِ ڊاڪٽر عارف ع??وي گرين لائين بس ۾ سفر ڪرڻ جي لاءِ پنهنجي ٽڪيٽ خريد ڪئي. سامونڊي معاملن وارو وفاقي وزير سيد علي حيدر زيدي ۽ سنڌ مان پي ٽي آءِ جا ايم پي ايز پڻ ص??ر سان گڏ هئا.
.jpg)
